طائرة مسيرة ضربت مدينة طرابزون التركية منذ قليل

و.ش.ع     متابعة محمد مختار     

السبت  22 اغسطس2026 
طائرة مسيرة ضربت مدينة طرابزون التركية منذ قليل المدينة اللي يلعب فيها نادي محمد صلاح الجديد وفوق هذا يوجد تمهيد للرأي العام بإن تركيا قد تكون قادرة على الاستيلاء على قنابل نووية أمريكية
الان إحنا تقريبًا كده دخلنا مرحلة العد التنازلي على طريق تصعيد عسكري محتمل جدًا ما بين إسرائيل وتركيا نبدأ من خبر المسيرة.
منذ كام ساعة وكالة رويترز فجأة نشرت خبر صادم بيقول ان في طيارة مسيرة مجهولة انفجرت داخل ساحة مركز شرطة أرسين في ولاية طرابزون شمال شرق تركيا 
المسيرة وقت الانفجار تسببت في أضرار كبيرة ل 3 عربيات كانت واقفة لكن لحسن الحظ مفيش قتلى أو مصابين وبعدها مباشرةً الشرطة طوقت المكان وبدأت فرق التحقيق تفحص الحطام علشان تعرف الطيارة دي جاية منين ووكالة رويترز نشرت بالفعل مشاهد كاميرات المراقبة للحظة سقوط المسيرة جوه مجمع الشرطة
وهنا يبدأ السؤال المهم تفتكر مين ممكن يكون باعت المسيرة دي
الأسلوب اللي ظهرت بيه المسيرة فجأة وضربت المدينة لابد هيفكرك باللي حصل مع مسيرة دمياط في مصر من قريب وبعض الناس وقتها انتهزوا الفرصة وقعدوا يقولوا دي إيران اللي ضربتها وليس إسرائيل وقعدوا يبرروا تبريرات عبيطة بس لما تبص على المشهد دلوقتي وتربط الخيوط ببعضها الفاعل الحقيقي وأهدافه الحقيقية هتبدأ توضحلك أكتر خصوصًا لو عرفت التفاصيل المخيفة للي حصل إمبارح فوق الأجواء السورية
2- إمبارح الصبح  تركيا وإسرائيل كانوا على بُعد شعرة واحدة من مواجهة عسكرية مباشرة في السماء السورية فاكر في البوست اللي فات لما حكيتلك ان إسرائيل شنّت غارات بـ 8 قنابل استهدفت مدرجات ومنشآت في قاعدة أبو الظهور الجوية بريف إدلب على بُعد 70 كيلومتر بس من الحدود التركية
التفاصيل الخطيرة بقى اللي ظهرت النهارده بتقولك ان إسرائيل ما بلغتش أنقرة بالهجوم اللي حصل، والطيران الصهيوني خرج من قواعده بشكل مفاجيء فالرادارات التركية فجأة وبدون مقدمات رصدت المقاتلات الإسرائيلية وهي بتتجه شمالًا ناحية حدودها دون أي إخطار مسبق وكان طبيعي جدًا في موقف خطير زي ده إن الأتراك يفتكروا ان اسرائيل جاية تقصفهم هما والدفاعات والطيران التركي يستعد فورًا لرد عسكري مباشر
لكن اللي حصل بحسب تصريحات المبعوث الأمريكي توم براك لرويترز كان تدخلات عاجلة في أخر ثواني، خلت الموقف يعدي ولولا كده كنا زماننا بنحكي عن أول اشتباك جوي مباشر بين الطرفين وأن اللي بيحصل ده مش صدف خالص
إسرائيل واضح إنها حسمت أمرها ونتنياهو حاطط في دماغه إن العدو الجديد اللي هيساعده على البقاء في السلطة ويضمن استمراره السياسي هو فتح جبهة جديدة وإشعال حرب مع تركيا واللي يإكدلك ده هو ان الأوساط الإعلامية والاستخباراتية العبرية بدأت تمهد لده وبيتكلموا عن قلق إسرائيلي متصاعد من التحركات التركية في سوريا ونشاط البحرية التركية اللي بيقترب من سفنهم بيخلقوا ذريعة 
3- ولأن شيطنة الخصم لازم تسبق أي ضربة أو تصعيد كعادة الصهاينة بدأت من شوية التبريرات والتقارير الغريبة تطلع للعلن زي التصريحات الخطيرة اللي فجرها من شوية ضابط متقاعد في القوات الخاصة الأمريكية بيسموها القبعات الخضراء Green Berets اسمه أنتوني أغيلار عن الأسلحة النووية اللي في تركيا الراجل ده في حوار إعلامي مع المؤثر ماريو نوفل من شوية قال إن تركيا عندها عشرات القنابل النووية الأمريكية من طراز B61 في قواعدها وإن واشنطن لو طلبت استعادتهم في حالة حدوث أزمة مع إسرائيل أنقرة ممكن ترفض وتسيطر عليهم وهي بالفعل قادرةتستخدمهم من غير ما تحتاج لرموز شفرات أمريكية لإنهم مش محتاجين منصات اطلاق بل يمكن اسقاطهم بالطيران عادي فاهل معنى التصريحات دي ايه دي كارثة حقيقية ولسه محدش بيتكلم عنها لحد دلوقتي بس هتلاقي ناس كتير بتتكلم عن الموضوع كمان شوية وكل ده مش مجرد كلام عابر دي بداية تسخين وتخويف إعلامي للرأي العام الدولي من الخطر التركي
​واضح جداً إن الجولة الجديدة بتقرب بخطى سريعة والمرة دي الدنيا لو قام فالموضوع هيبقى مختلف تمامًا ربنا يسترها