قصص جاسوسية عملية الصاعقة  من ملفات المخابرات المصرية ( الحلقة الثانية

و.ش.ع      القاهرة ۔ محمد مختار      
هشام عرف أن زوجة رأفت يهودية وليس هذا فقط لكن صاحب فندق رويال لانكستر هو أيضًا يهودي انجليزي وإنه يضع ثقة كبيرة في رأفت بالفعل وتقريبًا ترك له إدارة الفندق والتصرف زي ما يشوف 
أول ما وصل رأفت ووالده وزوجته للفندق استقبلهم رأفت بترحيب وأعد لهم غرفتين وعمل لهم خصم كبير على الإقامة واللي كانت بالفعل باهظة في الفندق استقر  هشام وزوجته في غرفتهم ووالده في غرفته وبعدها نزل الاستقبال يتكلم مع رأفت اللي كان منتظره بالفعل 
رأفت كان تفريبًا يعرف كل شيء عن هشام وحاول يساعده بقدر ما يستطيع لكن تكاليف علاج والد هشام في لندن كانت باهظة وكان باين على هشام العبء الثقيل اللي شايله  رأفت عرض عليه يخرجوا يجلسوا في مكان هاديء بعيد عن أجواء الفندق والعملاء والشغل  
كلامه كان فيه بوادر امل أنه ممكن يلاقي لهشام شغل إضافي بدخل كبير وكانت كل تصرفات رأفت مجرد مقدمات لما يعده لهشام بالفعل الإتنين راحوا بار في كمبرلاند قريب من الفندق وهناك جلسوا يتكلموا هشام كان كله شعور بالشكر والامتنان لرأفت أما رافت فكان بينفذ سيناريو مكتوب بكل دقة وخطواته محسوبة بالظبط  كان زي الصياد اللي بيلفي بشباكه حول الفريسة وللأسف الفريسة كآنت هشام أول ما جلسوا رأفت طلب من هشام يكلمه عن تعليمه ومؤهلاته وشغله بالتفصيل مرة أخرى علشان يعرف يحدد ممكن يشوفله شغل. 
هشام حصل على شهادة الثانوية العامة سنة 1958 وبعدها حصل على شهادة من معهد لاسلكي وبيشتغل ضابط أول عمليات جوية في مصر للطيران رأفت كان يبدي إعجابه بكلام هشام ويمدحه ويقوله أنه اكيد شخص كفء علشان يشتغل في مكان زي دا كان بيسأله أسئلة هشام استغرب منها زي مثلًا هل معنى رسم مسارات وارتفاعات الرحلات الجوية انك بتتحكم انت والطيار في المساحة اللي ممكن يتم مراقبتها على الأرض أكيد عليكم قيود شديدة الأيام دي لأن مصر في حالة حرب مع إسرائيل هو إيه اللي ممكن يحصل لو طيارة خرجت عن مسارها وقربت من منطقة عسكرية 
رأفت كان بيسأل وهشام يجاوب  
الجلسة طالت والكلام كله كان عن شغل هشام وصلاحياته والمعلومات اللي عنده في نهاية الجلسة رأفت نظر لهشام نظرة طويلة وقاله: 
اعتبر أن مشكلتك اتحلت يا هشام 
أعتقد أن مؤهلانك الرائعة دي وشطارتك تؤهلك لشغل يجبلك دخل كبير يكفي كل مصروفات أسرتك وعلاج والدك ويزيد بدهشة كبيرة وأمل عظيم هشام نظر له وكله رجاء أنه يصدق في كلامه رأفت كمل بكل ثقة  هتشتغل مع صديق لي رجل أعمال كبير مقيم هنا في بريطانيا 
هشام أدرك ان رأفت دا هدية من السما ليه تمسك بكلامه وكأنه خايف يرجع فيه سأله هو مين وممكن اقابله امتى  وفين وهل هيقبل فعلا اني اشتغل معاه في اللحظة دي رأفت شعر براحة وسعادة كبيرة وكأنه حسم الأمر تمامًا لصالحه وسيطر على هشام رأفت كمل الخطة المرسومة هو رجل أعمال إنجليزي من أصل لبناني ليه شركات ومكاتب في عدد كبير من دول العالم ويحب يشغل معاه الأشخاص الموهوبين وخاصة لو كانوا عرب زينا حالة هشام المعنوية أصبحت في السما لكن الجملة التالية من رأفت هبطت بيه لأعماق الأرض  
رأفت كمل وهو بيتأمل ملامح هشام ووقع كلامه عليه لكنه للأسف مسافر خارج بريطانيا حاليًا وهيرجع بعد حوالي شهرين الجملة أوقعت قلب هشام بالفعل لأن معناها أنه يكون أنفق كل الفلوس اللي معاه وتقريبًا أفلس ودا كان المطلوب تمامًا 
الدفع بيه لحافة الإفلاس علشان يكون جاهز تمامًا ولا يملك رفاهية المناقشة ولا الاعتراض  
رأفت قال لهشام أنه ممكن يقضي الوقت دا في متابعة علاج والده وما يحملش هم لمصاريف الفندق ولو احتاج اي فلوس يطلبها منه.  
انتهت الجلسة وأخرج رأفت حافظة نقوده دقع الحساب وترك بقشيش كبير جدًا الحافظة كانت متخمة بالأوراق المالية كل تصرف من رأفت كان مقصود بدقة للتأثير على نفسية هشام تكررت اللقاءات بين هشام ورأفت وأصبح الإتنين أصدقاء مقربين بشدة هشام اعتبر رأفت أكتر من صديق كان دايما رأفت يعزم هشام في أوقات مختلقة مرة على قهوة ومرة على إفطار ومرة على عشاء ومرة يجلسوا في بار أصبح يعرف أدق تغاصيل حياته وفي نفس الوقت مع مرور الأيام بدأت فلوس هشام تنفذ والأمور تضيق عليه لحد ما في يوم رأفت جاب لهشام مفاجأة ولما هشام سأله عن رجل الأعمال رأفت قاله أنه وصل من السفر أمس وإنه منتظره غدا الساعة 8 مساءا وكان دا أجمل خبر سمعه هشام من وقت طويل جدًا 
يتبع...