و.ش.ع
اعداد/ زينب حسن
السمك المقلي بالتلحيسه زي المطاعم مقرمش ودهبي ومش شارب زيت ويفضل الزيت نظييف لآخر واحدة
محلول نقع السمك
مياه ومعلقة ملح
ومعلقتين دقيق
ومعلقة طحينة
وعصير ليمون
وأحط فيه السمك حوالي نص ساعة وبعد كده اغسله كويس بالمياه
مقادير التتبيلة
معلقة ك توم مهرو
هريسة شطة
فلفل اخضر حامي
ملح وفلفل اسود
كمون وشطة
كركم وكزبرة ناشفة
توم وبصل بودر
بابريكا وشطة
معلقتين ك خل
عصير ليمون
نص كوب مياه
طريقة التحضير
وبعد كده اجيب طبق وأحط فيه كل المكونات واقلبهم مع بعض واضيف عليهم نص كوب مياه علشان التتيبلة تبقي سائلة
معانا
واجيب السمك واعمل فيه فتحات بالسكينة وأتبل السمك بالتتيبلة وكمان من جوا الفتحات اللي عملناها واسيب السمك في
التتيبلة ده حوالي ساعة كده
وبعد كده اجيب طبق احط فيه كوبيتن دقيق ونص كوب نشا ورشة ملح وكمون وشطة وكركم واقلبهم مع بعض واخد منه
كوبية واحطها في طبق اضيف عليهم مياه لما تكون معانا زي العجينة بس سائلة شوية واجيب السمك واعفره كويس بالدقيق
من بره ومن قلب السمكة من جوا كمان واعفر السمك كله بالدقيق وبعد كده اسيب السمك حوالي ربع ساعة كده في الدقيق
وارجع اعفره تاني بالدقيق واجيب طاسة في زيت ساخن وعلي درجة حرارة متوسطة وأحط السمك في الخليط السائل وبعد
كده فى الزيت اول ما يأخد لون ذهبي من الجهة ده ااقلبه علي الجهة الاخري لما يكون لون ذهبي من الجهتين واطلعه علي
مصفاة علشان يفضل مقرمش معاكي هيبقي توحفة مستوي من جوا ومقرمش من بره ولونه دهبي ومش شارب زيت
وتقدموه مع رز صيادية وسلطة والف هنا
Leave a comment
Your email address will not be published. Required fields are marked *