و۔ش۔ع

متابعة - محمد مختار

الاثنين 02 مارس 2026
عاجل وخطير العالم ينزلق للهاوية صواريخ أم الرؤوس تضرب القدس  
الوضع يا جماعة مابقاش مجرد مناوشات إحنا رسميًا دخلنا في بروفة الحرب العالمية الثالثة والتطورات اللي حصلت في الكام ساعة اللي فاتوا أسرع من قدرة أي حد على الاستيعاب والخرائط بتترسم من جديد بالدم والصواريخ.
سلاح يوم القيامة يظهر في سماء تل أبيب
إيران قررت تنهي اللعب التقليدي وطلعت البعبع من المخازن صاروخ باليستي انشطاري أم الرؤوس المتفجرة ضرب العمق المحتل للي مش فاهم الصاروخ ده كابوس للدفاع الجوي لأنه بيتشطر في الجو لـ 30 قنبلة صغيرة في وقت واحد، فبيعمل شلل كامل للقبة الحديدية وهسيب ليك الفيديو في التعليقات 
النتيجة دمار في مربعات سكنية كاملة في حيفا وتل أبيب، وأنباء عن 40 قتيل وعشرات الجرحى تحت الأنقاض حسب بيان الحرس الثوري رغم محاولات التعتيم الإسرائيلية.
الجبهة اللبنانية واليمنية
حزب الله دخل الحرب رسمياً وبكامل قوته لأول مرة من سنين ومسيراته غطت سما الجليل لغاية حيفا والكيان رد باستدعاء 100 ألف جندي احتياط وجارٍ التحضير لاجتياح بري يعني الجبهة الشمالية ولعت خلاص
خريطة التحالفات والضربات الموجعة
بريطانيا في المرمى قاعدة آكروتيري في قبرص اتدمرت بضربة إيرانية مباشرة ولندن بتبدأ أكبر عملية إجلاء لرعاياها في التاريخ 76 ألف مواطن
الكويت والبحرين قاعدة السالم الأمريكية في الكويت خرجت عن الخدمة تماماً ومنشآت البحرين اهتزت من قوة الانفجارات.
لغز المفاجأة الكبرى إشاعات كتير عن اغتيال نتنياهو بأكدلكم الخبر غير صحيح لغاية دلوقتي لكن المصادر الإيرانية بتقول انتظروا مفاجأة ستهز الكل حاطط إيده على قلبه يا ترى السلاح الجاي إيه
حاملات الطائرات
المذهل هو الأنباء عن تراجع حاملة الطائرات الأمريكية إبراهام لينكولن وتشفير موقعها بعد ما بقت صيد سهل للصواريخ الإيرانية وأما فرنسا فخافت تبعت شارل ديجول وفضلت في بحر البلطيق
واخيرا وليس اخراً الحرب دي مش بس صواريخ دي اقتصاد عالمي بيتدمر والذهب بيسجل أرقام تاريخية، الدولار بيطير، وإمدادات الغاز والنفط في خطر حقيقي بعد قفل مضيق هرمز وتراجع حركة السفن القطريةإحنا بنتنقل من حرب إقليمية لـ حرب عالمية بسرعة الصاروخ وترامب بيتوعدالك وأوروبا بتدخل التحالف والمنطقة كلها بقت عبارة عن مخزن بارود مستني عود كبريت واحد عشان ينفجر في وش الكل.